Lexoni edhe:
Qeveria e Kosovës urgjentit të përgatitet me strategji investive zhvillimore për ta parandaluar euforinë e migrimit në vitin e parë të liberalizimit
Përleshje masive në Prishtinë pas një aksidenti, nëntë persona arrestohen nga policia
Raportohet se një aksident trafiku ka ndodhur sot rreth orës 10:00 në rrugën “Agim Ramadani” në Prishtinë, ku pas aksidentit, palët e përfshira janë përleshur edhe fizikisht mes vete, për çka ka rezultuar me ndërhyrje të policisë dhe disa persona të arrestuar, shkruan "Kosova Sot Online".
Rastin e ka konfirmuar zëdhënësja e Policisë së Kosovës për Rajonin e Prishtinës, Florie Ahmeti.
Ahmeti ka bërë me dije se për këtë rast janë shoqëruar në Polici nëntë persona.
“Sot rreth orës 10:00 kemi pranuar informatën për një aksident trafiku në rrugën “Agim Ramadani” në Prishtinë, ku pas aksidentit palët e përfshira në aksident kanë pasë edhe përleshje fizike mes vete. Lidhur me këtë rast janë shoqëruar në stacion policor 9 persona. Njësitet përkatëse policore po merren me rastin”, ka deklaruar Ahmeti.
(Kosova Sot Online )
