Osmani: Ua uroj partnerëve tanë suedezë një Presidencë të suksesshme

Me rastin e marrjes së kryesimit të Presidencës së radhës të Bashkimit Europian, presidentja Vjosa Osmani e ka uruar Suedinë, transmeton gazeta "Kosova Sot Online". 

Ajo me këtë rast ka thënë se mezi presin të punojnë së bashku në përmbushjen e objektivave të përbashkëta.

“Ua uroj partnerëve tanë suedezë një Presidencë të suksesshme të Këshillit të BE-së. Mezi presim të punojmë së bashku për të përmbushur objektive tona të përbashkëta, për ta sjellë Kosovën më afër BE-së dhe për të forcuar unitetin kundër përpjekjeve për të minuar vlerat dhe interesat tona të përbashkëta”, ka shkruar Osmani në Twitter.

Suedia sot e ka marrë kryesimin e Presidencës së radhës të Bashkimit Europian, e cila ndryshon një herë në 6 muaj. Presidencën e BE-së të njohur edhe si Presidenca e Këshillit të BE-së, Suedia do ta marrë nga Çekia.

(Kosova Sot Online)