Ky deputet i Kosovës kërkon që motelet të mbyllen
Me arsyetimin se nuk po kanë kontrolle të mjaftueshme, deputeti i Lëvizjes Vetëvendosje, Visar Korenica ka kërkuar mbylljen e moteleve, transmeton gazeta "Kosova Sot Online".
Përmes një shkrimi në Facebook, Korenica ka pasur kritika lidhur me qasjen pa censurë të adoleshentëve nëpër rrjete sociale.
Duke shpërndarë një lajm me titullin “E trishtë: Dhunohet seksualisht një e mitur në një motel në Ferizaj, i dyshuari publikon aktin në Tik-Tok”.
Korenica ka thënë se fëmijët në masë të madhe dhe adoleshentët kanë qasje pa censurë në rrjetin social “Tik-Tok”, ku publikohen videot nga më të ndryshmet e që janë të dëmshme dhe ç’thurrje për shoqërinë tonë.
Ai ka thënë se motelet duhet të mbyllen ashtu siç janë mbyllur kazinotë.
Postimi i plotë:
Rrjeti tiktok kinez është prej rrjeteve më të rrëzikshme ku fëmijët e në masë të madhe edhe adoleshentët kanë çasje pa cenzurë, ku publikohen videot nga më të ndryshmet e që janë të dëmshme dhe ç‘thurrje për shoqërinë tonë.
Në anën tjetër, edhe motelet që bijnë si kërpudha nuk po kanë kontrollë të mjaftueshme. Të lejohet një e mitur me u abuzu, këtu duhet të përfundojnë në pranga çdo njeri që nuk ka marrë masa të mjaftueshme ta parandalojë abuzimin e të miturës, dhe biznesit ti vendoset dryni përgjithmonë. Të mbyllen njejt siç janë mbyll kazinot.
Derisa në anën tjetër duhet të ketë cenzurë edhe në kanalet tona ku shfaqen emisione si Big Brother e që pa kurfarë sanksione vazhdojnë të lejojnë pamje e debate jo të shëndosha për shoqërinë tonë.
Të veprohet pra se të jetë vonë.
(Kosova Sot Online)
