Ky është pjesëtari i FSK’së i arrestuar për plagosjen e dy të rinjve në Shtërpcë
Për plagosjen e dy qytetarëve të Komunës së Shtërpcës, njëri 21 vjeç e tjetri 11 vjeç, sipas raportimeve, pjesëtari i FSK-së, Azem Kurtaj është i dyshuari kryesor, transmeton gazeta "Kosova Sot Online".
Në komunikatën zyrtare të Policisë së Kosovë bëhet e ditur se i arrestuari, me inicialet A.K, është 33 vjeç.
“Arrestohet i dyshuari për plagosjen e dy personave në Shtërpcë. Policia Rajonale e Ferizajt, pas një pune intenzive hetimore , grumbullimit të informacioneve në terren kanë identifikuar e më pas kanë arrestuar të dyshuarin A.K (M/K) i moshës 33 vjeçar”, u tha në njoftim.
Policia sqaroi se i dyshuari është është shoqëruar në Policinë Rajonale të Ferizajt, përkatësisht në Sektorin Rajonal të Hetimeve, për veprime të tjera hetimore.
(Kosova Sot Online)