E trishtë: U rrokullis me traktor, vdes një person në Kamenicë
Një person ka vdekur në Kamenicë, pasi dyshohet se derisa ka qenë duke drejtuar traktorin ka humbur kontrollin dhe është rrokullisur me traktor, shkruan "Kosova Sot Online".
Policia ka njoftuar se lëndime në këtë aksident ka marrur edhe djali i viktimës i cili ka marrur trajtim mjekësor.
Me vendim të prokurorit, trupi i pajetë i viktimës është dërguar në IML për obduksion.
Njoftimi i plotë i policisë:
VDEKJE AKSIDENTALE/Kamenicë 08.01.2023 – 16:35. Viktima mashkull kosovar dyshohet se derisa ka qenë duke drejtuar traktorin ka humbur kontrollin dhe është rrokullisur me ç’rast i njëjti ka pësuar lëndime vdekjeprurëse. Vdekjen e tij e ka konstatuar mjeku kujdestar ndërsa lëndime trupore ka pësuar djali i tij viktima mashkull kosovar i cili ka pranuar tretman mjekësor. Me vendim të prokurorit, trupi i pajetë i viktimës është dërguar në IML për Obduksion.
(Kosova Sot Online)