Viti: Pronari nuk ishte në shtëpi, hajnat i vjedhin revole, stoli ari

Policia e Kosovës përmes raportit 24 orësh kanë njoftuar se është kryer një vjedhje në një shtëpi në Viti, shkruan "Kosova Sot Online".

Një person është ankuar në polici, ku ka treguar se të dyshuar deri më tani të panjohur kanë hyrë në shtëpinë e tij dhe i kanë vjedhur një revole të cilën e posedonte me leje dhe stoli ari.

Në njoftim thuhet se rasti është duke u hetuar.

"Viti 09.01.2023 – 20:55. Ankuesi mashkull kosovar ka raportuar se përderisa nuk ka qenë në shtëpi, të dyshuar deri më tani të panjohur me forcë kanë hyrë në shtëpinë e tij, dhe i kanë vjedhur një revole të cilën e posedonte me leje dhe stoli ari. Në lidhje me rastin është konsultuar prokurori i shtetit, rasti vazhdon të hetohet", thuhet në raportin policor.

(Kosova Sot Online)