Shtyhet konkursi për aplikim në FSK deri më këtë datë
Ministria e Mbrojtjes këtë të shtunë ka bërë të ditur se konkursi për pranimin e ushtarëve të rinj është shtyrë deri me datën 23 janar, përcjell "Kosova Sot Online".
Kjo shtyrja e afatit u bë për shkak të qasjes së njëkohshme të shumë aplikantëve në platformën e aplikimit, me ç’rast janë shfaqur pengesa teknike që po vonojnë procesin e aplikimit.
“Ju njoftojmë se konkursi për pranimin e ushtarëve të rinj shtyhet për një javë, ngase për shkak të qasjes së njëkohshme të shumë aplikantëve në platformën tonë të aplikimit, janë shfaqur pengesa teknike që po vonojnë procesin e aplikimit. Pra, konkursi për rekrutim në ushtrinë e Republikës së Kosovës do të jetë i hapur deri me datën 23 janar”, ka shkruar ministria.
(Kosova Sot Online)