Kurti takon ministrin saudit të Investimeve Khalid Al-Falih
Sot në Davos të Zvicrës me ministrin e Investimeve të Arabisë Saudite, Khalid Al-Falih, është takuar kryeministri Albin Kurti, shkruan gazeta "Kosova Sot Online".
Kurti - Al-Falih, kanë folur për investime në disa fusha.
“Me ministrin e Investimeve, Khalid Al-Falih, ne ndamë vizionin tonë për një tranzicion të energjisë së gjelbër, investime në infrastrukturë dhe turizëm. Mezi presim ta mirëpresim së shpejti në Kosovë. Gjithashtu shpreha vlerësimin tonë për mbështetjen e Arabisë Saudite ndër vite”, ka theksuar Kurti.
Kryeministri Kurti ka udhëtuar për në Forumin Ekonomik Botëror në Davos, ZKM ka njoftuar se në ditën e parë të qëndrimit të Kurtit atje, ai do të flasë në Samitin e Investitorëve në Cyrih, të organizuar nga Qeveria e Kosovës.
(Kosova Sot Online)