Në Zvicër kërkohet tërheqja e ushtarëve nga Kosova, Kurti: Nuk është koha e duhur për këtë

Kryeministri i Kosovës, Albin Kurti, ka kërkuar që Zvicra të mos i tërheq ushtarët e saj nga Kosova, përcjell “Kosova Sot Online”.

Kurti ka shtuar se nuk është koha e duhur tani.

Kryeministri Kurti më tej ka thënë se Kosova ka nevojë për mbështetjen e Zvicrës..

“Ne nuk do të dëshironim që ajo t’i tërheq ushtarët e saj nga Kosova. Tani nuk është koha e duhur për këtë. Serbia i ka ndërtuar 48 baza ushtarake në kufirin tonë, të cilat përbëjnë kërcënim për vendin tonë, pranë tyre janë parë mercenarë të grupit Ëagner dhe bandës famëkeqe të Ujqërve të Natës. Ne kemi nevojë për mbështetjen e Zvicrës dhe mezi pres që Zvicra të zgjasë mandatin e saj deri në vitin 2026 së shpejti”, tha ai,

Kryeministri përsëriti kërkesën e tij për shtimin e trupave të NATO-s, dhe pati një përgjigje kur u pyet se pse e ka bërë këtë.

“Unë kam sinjalizuar interesin tim për një rritje – por sigurisht që i takon NATO-s të vendosë. Unë mendoj se fakti që ne kemi një fqinj më të madh që nuk na njeh dhe që po bashkëpunon gjithnjë e më shumë me Kremlinin duhet ta inkurajojë NATO-n ta rrisë praninë e saj. Kjo zvogëlon gjasat e konflikteve të ardhshme”, tha Kurti.

(Kosova Sot Online)