Zogiani: Miroslav Lajçak nuk është ndërmjetësues dhe s'duhet të quhet kështu
Avni Zogiani, nga VV-ja, ka kritikuar ndërmjetësuesin e BE-së për dialogun Kosovë-Serbi, Miroslav Lajçak, shkruan “Kosova Sot Online”.
Zogiani ka shkruar se Lajçak nuk duhet të quhet ndërmjetësues.
Po ashtu, Zogiani ka theksuar se ky e ka ndarë pazarin, duke shtuar se Lajçak nuk merr parasysh interesat e Kosovës.
“Miroslav Lajçak nuk është ndërmjetësues dhe s'duhet të quhet kështu! Ky po e bënë arbitrin. Vjen në Prishtinë kërkon asociacion, shkon në Beograd flet për asociacion e nuk e kërkon pranimin e Kosovës nga Serbia. Ky e ka nda pazarin, e në këtë pazar nuk i shef interesat e Kosovës fare! Nuk i ka krejt fajet ky, sepse këto raporte në dialog i kanë pranuar lideret e mëhershëm të Kosovës. Mirëpo, a quhet ky dialog, negociata, përpjekje për normalizim, kur vetë ndërmjetësuesi kërkon veç nga njëra palë?!”, ka shkruar Zogiani.
(Kosova Sot Online)