Dy vajza nga Kosova bien nga kati i 4-të, njëra vdes
Raportohet se dy vajza në Ferizaj rreth orës 21:35, kanë rënë nga kati i 4-të i një ndërtese, njëra prej të cilave ka vdekur, transmeton gazeta “Kosova Sot Online”.
Vajza e cila ka vdekur ishte 15-vjeçare, ndërsa e lënduara 18-vjeçare, konfirmuar zëdhënësi i Policisë për Rajonin e Ferizajt, Kanun Veseli.
“Me datën 21.01.2023 rreth orës 21:35 policia rajonale e Ferizajt ka pranuar një informacion se në rrugën “Sandër Prosi” në Ferizaj, dy vajza të moshës 18 dhe 15 vjet kanë rënë nga kati i 4-të , i një objekti banesor. Të njëjtat për ndihmë mjekësore janë dërguar në Qendrën Emeregjente në Ferizaj e më pas për tretman të mëtutjeshëm mjekësor ( nē gjendje tē rëndë shëndetësore) janë dërguar për në QKUK-Prishtinë”.
Ai njoftoi se Prokuroria themelore në Ferizaj po hetojnë rastin.
“Njëra nga të lënduarat Z.M (F/K) e moshës rreth 15 vjeçe për pasojë ka ndërruar jetē, kjo e konfirmuar nga mjekët , ndërsa e lënduar ka mbetur A.M (F/K) e moshës rreth 18 vjecare. Policia Rajonale e Ferizajt ,hetuesit dhe krimteknikët rajonal janë në vendin e ngjarjes dhe nën autorizim të prokurorit kujdestar nga Prokuroria Themelore e Ferizajt po e hetojnë rastin”, thuhet në konfirmimin e Veselit.
(Kosova Sot Online)
