Turisti i dëshpëruar shpërthen në lot pasi linja ajrore humb 4 qentë e tij

Një pasagjer i cili udhëtonte për në Stamboll ka përjetuar disa orë paniku, pasi mendoi se kishte humbur 4 qentë e tij. Turisti pësoi një krizë nervore dhe shpërtheu në lot sapo mbërriti në aeroportin turk, ku zbuloi se linja ajrore me të cilën po udhëtonte i kishte humbur katër qentë.

Pas disa orësh pasigurie dhe dëshpërimi, ai mësoi se qentë e tij ishin gjetur në një aeroport në Zvicër, ku turisti kishte ndalur përpara se të nisej për në Stamboll.

Skena u filmua nga një tjetër pasagjere femër dhe u shpërnda në TikTok. Videoja tregon burrin duke bërtitur në mënyrë të dëshpëruar dhe duke u ankuar te stafi.

(Kosova Sot Online)