Pas tërmetit, Gërvalla thërret në telefon kryediplomatin turk

Pas tërmetit shkatërrëues që goditi Turqinë, kryediplomatja kosovare, Donika Gërvalla ka thirrur në telefon homologun e saj turk, Mevlut Cavusoglu, transmeton gazeta “Kosova Sot Online”.

Gërvalla tha se i ka shprehur Cavusoglut, ngushëllimet për humbjet e jetëve.

Ajo shtoi se Kosova qëndron gati për të ndihmuar në çfarëdo forme.

“Fola me kolegun tim turk, Mevlut Cavusoglu dhe shprehëm ngushëllimet tonë të sinqerta për humbjet e jetëve në këtë tërmet të tmerrshëm. Ne shpresojmë që ata që janë të pagjetur do të shpëtohen shpejtë. Kosova qëndron gati të ndihmojë në çdo formë të mundshme”, shkroi Gërvalla në Twitter.

(Kosova Sot Online)