Gjendet një kufomë në afërsi të një përroi
Policia e Tiranës ka treguar se sot është gjetur një kufomë në afërsi të përroit të Limuthit, në Bërxullë, shkruan “Kosova Sot Online”.
Në njoftimin e policisë thuhet se në xhepin e rrobave të viktimës, është gjetur një dokument identifikimi me gjeneralitetet E. T., 48 vjeç.
Policia ndodhet në vendin e ngjarjes dhe po bën të mundur zbardhjen e plotë të rrethanave.
Njoftimi i policisë:
Tiranë/Informacion paraprak
Më datë 13.02.2023, në afërsi të përroit të Limuthit, në Bërxullë, është gjetur një kufomë e seksit mashkull.
Nga veprimet e para hetimore të kryera, në xhepin e rrobave të viktimës, është gjetur një dokument identifikimi me gjeneralitetet E. T., 48 vjeç.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
(Kosova Sot Online)