Kurti pret në takim kandidatin për president të Serbisë Nikola Sanduloviqin

Kandidatin për president të Serbisë që e njeh pavarësinë e Kosovës, nga Partia Republikane, Nikola Sanduloviq, e ka pritur në takim kryeministri i Kosovës Albin Kurti, transmeton gazeta “Kosova Sot Online” .

Ai tha se pavarësia e Kosovës është histori e përfunduar në vitin 1999.
Ndër të tjerat mes Kurtit dhe Sanduloviqit, u bisedua për tema të shumta.

“U bisedua për temat aktuale, me fokus ngjashmëritë mes Asociacionit të komunave serbe në Kosovë dhe Republikës Srpska në Bosnjë dhe Hercegovinë. Duke folur për situatën aktuale në Serbi, u veçua mungesa e demokracisë, rreziku nga rritja e nacionalizmit dhe ndikimi i madh i Rusisë. Në takim u theksua rëndësia e pozicionimit të politikanëve të rinj në Kosovë dhe Serbi, si dy shtete aleatë të Shteteve të Bashkuara të Amerikës, si anëtare te Bashkimit Evropian dhe NATO-s në të ardhmen”, thuhet në njoftimin e Zyrës së Kryeministrit.

(Kosova Sot Online)