'The Sun' për turistët: Harrojini Maldivet, shkoni në Shqipëri

Media britanike “The Sun” ka shkruar rreth Shqipërisë duke e quajtur atë si Maldivet e Europës duke u sugjeruar britanikëve ta vizitojnë atë pasi përveç bukurive të rralla natyrore, të ofron mundësinë ta vizitoni atë për çmime të arsyeshme ku do të jenë të kënaqur, dhe jo vetëm kaq, ata do të jenë edhe shumë pranë shtëpis së tyre.

Sipas kësaj medie, pushuesit britanikë mund të udhëtojnë në një vend të nxehtë evropian që është njësoj si Maldivet për më pak se 30 £.

Për shkak të plazheve të saj me rërë, ujërave të pacenuara dhe kasolleve piktoreske prej druri, Maldivet janë një destinacion ëndrrash, por vjen me një çmim të lartë, transmeton gazeta “Kosova Sot Online”.

Për pushuesit që duan të provojnë një pjesë të parajsës, por nuk mund të shpenzojnë 800 £ në fluturime, ata do të jenë të kënaqur të dinë se ka një alternativë shumë më afër shtëpisë.

Shqipëria ndodhet midis Malit të Zi dhe Greqisë dhe destinacioni ka parë një fluks vizitorësh në vitet e fundit.

Rritja e popullaritetit të vendit është kryesisht falë TikTok dhe influencuesve të mediave sociale që kanë pushuar në Rivierën Shqiptare.

Një nga zonat më të njohura është një fshat i vogël në jug i quajtur Ksamil.

Videot e vendit bregdetar i cili krenohet me ujërat e pastra, ka bërë që një grup udhërrëfyes turistik ta përshkruanin si “ndjesia Bora Bora” videoja ka mbledhur më shumë se 60 milionë shikime në TikTok.

(Kosova Sot Online)