Ish-ministri serb: Kurti s’do të pranojë formimin e Asociacionit në takimin e 27 shkurtit
Ish-ministri serb i Mbrojtjes, Dragan Shutanovac, ka thënë se kryeministri i Kosovës Albin Kurti nuk do ta pranojë formimin e Asociacionit në takimin më 27 shkurt në Bruksel, ku do të marrë pjesë edhe presidenti i Serbisë, Aleksandar Vuçiq, përcjell “Kosova Sot Online”.
“Kurti ëndërronte të ishte presidenti ukrainas Volodymyr Zelensky dhe tani ka vendosur të bëhet (revolucionar) si Che Guevara dhe të vuajë në duart e Perëndimit”, tha Shutanovac.
“Pjesëmarrjen e kanë konfirmuar presidenti i Serbisë, Aleksandar Vuçiq, dhe kryeministri i Kosovës, Albin Kurti”, thuhet në komunikatën e Bashkimit Evropian.
Shutanovaci ka thënë tutje se “është i bindur se Asociacioni i Komunave Serbe do të formohet pa Kurtin”.
(Kosova Sot Online)