E fshehu drogën në gomën rezervë të makinës, arrestohet shoferi
Një person është arrestuar nga Negorci, i cili dje u kap në pikën kufitare “Bogorodicë” me drogë, transmeton “Kosova Sot Online”.
Nga Prokuroria thonë se droga ka qenë e shpërndarë në 5 pako, në gomën rezervë të veturës “Audi”.
“Më 17 shkurt, i dyshuari ka transportuar në mënyrë të paligjshme, për shitje, lëndë narkotike – marihuanë, nga Nagorci në Republikën e Greqisë. Droga ishte e paketuar në pesë pako me peshë totale 5066,9 gram, e fshehur në bagazh, në gomën rezervë të veture Audi me targa të Gjevgjelisë. Doganierët e kanë gjetur marihuanën gjatë kontrollit në pikën kufitare ‘Bogorodicë'”, thonë nga Prokuroria.
(Kosova Sot Online)