Lavrov: Do ta mashtrojnë Serbinë për Asociacion

Kreu i diplomacisë ruse, Sergei Lavrov ka reaguar për procesin e dialogut në mes të Kosovës dhe Serbisë dhe propozimin frank-gjerman, transmeton gazeta “Kosova Sot Online”.

Sipas tij, perëndimi “do të mashtrojë” serbët për çështjen e Asociacionit “siç kishin bërë me rusët në Marrëveshjen e Minskut”.

“E njëjta histori: mashtrimi i serbëve në lidhje me Asociacionin e komunave serbe në Kosovë, mashtrimi i Rusisë në lidhje me marrëveshjet e Minskut”, ka deklaruar Lavrov në Nju Delhi, ku aktualisht po merr pjesë në një takim të krerëve të diplomacisë së shtetet anëtare të G20.

Siç pretendon Lavrov “vendet perëndimore nuk kanë ndërmend të zbatojnë marrëveshjet që kanë të bëjnë me serbët në Kosovë, ashtu siç nuk ishin të gatshme të përmbushin kërkesat e Marrëveshjes së Minskut”. 

(Kosova Sot Online)