Nga muaji prilli rryma mund të shtrenjtohet në Kosovë
Zyra e Rregullatorit për Energji lidhur me vlerësimet preliminare për rritjen e tarifave, tashmë ka pranuar komentet nga: Operatorit i Sistemit të Transmisionit të Tregut (KOSTT), Kompania për Distribuim të Energjisë Elektrike (KEDS), Kompania Kosovare për Furnizim me Energji Elektrike (KESCO), Korporata Energjetike e Kosovës (KEK), Zyra e Presidentes dhe Zyra e Kryeministrit, transmeton gazeta "Kosova Sot Online".
“ZRRE-ja është në proces të vlerësimit të komenteve të pranuara nga palët e interesuara dhe pas analizimit të tyre do të publikojë raportin përfundimtar me përgjigje ndaj palëve”, thuhet në deklaratën e ZRRE-së.
Sipas saj, vendimi përfundimtar për ngritjen ose jo të faturave do të merret në mars.
(Kosova Sot Online)
