Grabiten 5 kg ari sikur në filma
Tre grabitës janë arrestuar 10 ditë pasi grabitën me thasë 5 kg flori nga një argjendari në Tuzla të Turqisë. Mediat turke kanë publikuar pamjet e grabitjes, ku shihet sesi hajdutët hynë në dyqanin e argjendarisë duke thyer bravat me levë dhe duke hapur qepenin gjatë natës së 27 shkurtit dhe duke e futur arin në thasët që kishin sjellë me vete.
Hajdutët u larguan menjëherë me mjetin e tyre pasi vodhën në dyqan 5 kilogramë ar dhe 300 mijë lira turke.
Në pamjet e kamerave të sigurisë shihen 5 persona që iu afruan dyqanit të argjendarisë, por 3 prej tyre hynë brenda dhe mbushën thasët me flori, ndërsa njëri priste jashtë duke kontrolluar rrugën, kurse shoferi priste në makinë.
(Kosova Sot Online)
