Hoxha nga Kosova tregon çfarë ndodh me fëmijët që lindin me fekondim artificial

Fekondimi artificial sjell probleme të mëdha në shoqëri të cilat shihen më vonë, ka theksuar hoxha Hysamedin Abazi, transmeton gazeta “Kosova Sot Online”.

Ai tha se është kundër kësaj praktike dhe e argumentoi me një artikull të Nju Jork Times.

Abazi tha se shumica e fëmijëve të lindur nga fekondimi artificial, më pas kanë probleme në jetë dhe se disa që kërkojnë prindërit e tyre biologjik, kërkojnë pasuri nga ta.  

“Ligjërisht është e drejtë e tyre. Kanë hulumtuar e i kanë gjetur babatë e tyre. Është artikull në Nju Jork Times. Pastaj kanë kërkuar pasurinë e tyre që iu takon sipas ligjit. Dhe kështu është sipas ligjit, ajo iu takon”, tha ai. 

(Kosova Sot Online)