Szunyog: BE është e gatshme që të angazhohet më tej në fushën e drejtësisë
Nënshkrimin e Deklaratës së Përbashkët të Zotimit nga institucionet e drejtësisë në Kosovë për reformë në këtë sektor, e ka përshëndetur shefi i Zyrës së Bashkimit Evropian në Kosovë, Tomas Szunyog, transmeton gazeta “Kosova Sot Online”.
“Mirëpres nënshkrimin e Deklaratës së Zotimi nga Ministria e Drejtësisë e Kosovës, Këshilli Gjyqësor, Këshilli Prokurorial, Gjykata Supreme dhe Kryeprokurori i Shtetit”, ka shkruar Szunyog.
“Është kyçe që aktorët përkatës të rifillojnë bashkëpunimin në masat që do të forcojnë pavarësinë, efikasitetin dhe integritetin e gjyqësorit dhe prokurorisë”.
Ai ka vazhduar duke thënë se BE është e gatshme që të angazhohet më tej në fushën e drejtësisë.
(Kosova Sot Online)