Arrestohet Florian Fila nga Gjakova, kërkohej për dhunim

Florian Fila, i cili po kërkohej për veprën penale “Dhunim”, është arrestuar, përcjell “Kosova Sot Online”.

Para më shumë se tre muajsh e kishte shpallur nën kërkim. Por, Policia në Gjakovë në bashkëpunim me mediat dhe qytetarët ka arritur që ta arrestojë Florian Filën.

Me vendim të Prokurorit të Shtetit i dyshuari është ndalur në mbajtje për 48 orë.

“Drejtoria Rajonale e Policisë në Gjakovë, me datën 01.12.2022 ka lëshuar kërkesë për bashkëpunim me qytetarë për arrestimin e personit Florian (Ruzhdi) Fila i lindur me 16.01.2000, banues në rrugën “Skënderbeu” në Gjakovë i cili kërkohej për veprën penale “Dhunim”. Sektori Rajonal për Hetime, falë bashkëpunimit me qytetarë dhe media, pas publikimit të fotografisë së personit të kërkuar, ka arritur që të siguroj informacion lidhur me vendndodhjen e të kërkuarit dhe të bëjë arrestimin e tij. Me vendim të Prokurorit të Shtetit i dyshuari është ndalur në mbajtje për 48 orë. Me këtë rast, Drejtoria Rajonale e Policisë në Gjakovë, falënderon të gjithë qytetarët dhe mediat për bashkëpunimin e treguar me Policinë e Kosovës, bashkëpunim ky i cili po ndikon në ruajtjen e rendit dhe sigurisë publike”, thuhet në njoftim.

(Kosova Sot Online)