Çfarë është parashkrimi që Berisha e kërkon me ngulm dhe Rama e refuzon me ngulm
Kryetari i Partisë Demokratike, Sali Berisha, ka sfiduar sërish kryeministrin e vendit për ligjin e parashkrimit për; kryeministrin, zëvendëskryeministrin, ministrat dhe zyrtarë të lartë të shtetit.
Në mbledhjen me grupin e deputetëve, Berisha tha se nuk mund të ketë parashkrim për kryeministrin dhe ministrat e qeverisë sepse sipas tij, ‘përdorin të gjitha manovrimet që krimet e tyre të kalojnë parashkrimin’.
Ky ligj i është propozuar parlamentit 6-7 muaj më parë nga PD.
Zakonisht gjuha e politikanëve është e ngurtë dhe me shumë fjalë kyçe, e cila shpesh herë kalon pa u kuptuar në thelb nga qytetarët e zakonshëm.
Çfarë është parashkrimi që Berisha e kërkon me ngulm dhe pse Rama po me aq ngulm nuk e pranon?
Në Kodin Penal të Republikës së Shqipërisë parashikohet se nuk mund të bëhen ndjekje penale për ish-kryeministra, ish-ministra e zyrtarë të tjerë për shkak kalimi afatesh kohore, këto afate përmblidhen në termin juridik ‘parashkrim’.
Kur nga kryerja e veprës penale deri në çastin e marrjes së personit si të pandehur kanë kaluar:
a) 40-vjet në rastin e krimeve që parashikojnë dënim me burgim të përjetshëm;
b) 20-vjet për krimet që parashikojnë dënim jo më të ulët se dhjetë vjet burgim ose dënim
tjetër më të rëndë;
c) 10-vjet për krimet që parashikojnë dënim nga pesë gjer në dhjetë vjet burgim;
ç) 5-vjet për krimet që parashikojnë dënim gjer në pesë vjet burgim ose gjobë;
d) 3-vjet për kundërvajtjet penale që parashikojnë dënim gjer në dy vjet burgim;
dh) 2-vjet për kundërvajtjet penale që parashikojnë dënim me gjobë.
Veprat penale të kreut II, seksionit I, nenet 76 - 79/c, nuk i nënshtrohen parashkrimit.
Nuk i nënshtrohen parashkrimit të ndjekjes penale krimet e luftës dhe ato kundër njerëzimit.
Kjo është ‘kleçka’ juridike që shumicës së zyrtarëve të lartë në Shqipëri nuk u hyn gjemb në këmbë pas largimit nga detyra.
Thënë me një shembull më të thjeshtë: Nëse mazhoranca socialiste pranon të miratojë ligjin për heqjen e parashkrimit, as Rama, as ish-zëvendësit e tij, as ministrat nuk i shpëtojnë dot ndjekjes penale për aferat korruptive të 10 viteve të fundit.
Konçensioneve, tenderave abuzive, aferave të tilla si inceneratorët etj.
Këmbëngulja e mazhorancës për të mos e kaluar këtë ligj ka të bëjë pikërisht me frikën nga hetimi në kohën që do të largohen nga pushteti.
Me ligjin në fuqi shumica e aferave të tyre korruptive mbeten të pa ndëshkuara.
Britania rrit pagat me 5% çdo tre muaj – Sondazhet tregojnë se rrogat do të vijojnë të mbeten të larta
Punëdhënësit britanikë ranë dakord për rritje mesatare të pagave me 5% gjatë tre muajve deri në fund të janarit. Një nivel shumë mbi normat historike dhe një treg i ngushtë i punës do të thotë që pagat ka të ngjarë të mbeten të larta, sipas sondazheve të fundit.
(Kosova Sot Online)