Vuçiq jep detaje rreth bisedimeve të djeshme në Ohër

Në një konferencë për media të dielën, presidenti i Serbisë Aleksandar Vuçiq, ka folur rreth bisedimeve të djeshme në Ohër, transmeton gazeta “Kosova Sot Online”.

Vuçiq e nxori veten si hero të takimit. Sipas tij, ai ishte më i qëndrueshmi brenda ekipit të tij.

“12 herë dje e ndryshuam tekstin. Dua t’i falënderoj njërëzit që ishin dje me mua sepse gjithmonë është stresuese, sepse sa herë duhet të analizoni, të konsultoni profesorë duke i pyetur a mundemi këtë, a guxojmë këtë, e presioni sa vjen e shtohet. Për mua është përparesi kur kjo zgjat 12-13 orë sepse jam më i qëndrueshëm se të tjerët, keq e kam kur është 2-3 orë, kur është 12-13 koncentrimi im është i shkëlqyer, më i mirë se i të tjerëve. Kështu ishte edhe mbrëmë në orët e vona” tha Vuçiq në një moment vetlavdërimi, që nuk është i rrallë për të.

(Kosova Sot Online)