Stoltenberg thirrje vendeve anëtare të përshpejtojnë rritjen e shpenzimeve për mbrojtjen

  • A.P /
  • 21 March 2023 - 20:41
Stoltenberg thirrje vendeve anëtare të përshpejtojnë rritjen e shpenzimeve për mbrojtjen

Sekretari i Përgjithshëm i NATO-s, Jens Stoltenberg u ka bërë thirrje vendeve anëtare të përshpejtojnë rritjen e shpenzimeve për mbrojtjen, pasi shifrat e reja tregojnë se më pak se një e katërta po përmbush objektivin e aleancës.

Stoltenberg tha se sulmi i Rusisë ndaj Ukrainës vitin e kaluar tregoi se bota është bërë më e pasigurt dhe se aleatët e NATO-s duhet të përgjigjen duke vendosur dhe përmbushur qëllime më ambicioze ushtarake.

7 nga 30 vendet e aleancës përmbushën objektivin aktual për të shpenzuar 2 për qind të PBB-së për mbrojtjen në vitin 2022, një më pak se në vitin 2021, para luftës në Ukrainë, sipas vlerësimeve në raportin vjetor të sekretarit të përgjithshëm të NATO-s, të publikuar sot, transmeton gazeta “Kosova Sot Online”

Ai deklaroi se pritshmëria e NATO-s ishte që dy anëtarë të tjerë të përmbushnin objektivin, por ekonomitë e tyre u rritën më shumë se sa pritej, kështu që shpenzimet e tyre si pjesë e PBB-së u reduktuan.

(Kosova Sot Online)