Kurti për kthimin e serbëve: Atij që e hodhi uniformën e policisë së Kosovës, nuk i them dot kthehu

Kryeministri i Kosovës, Albin Kurti, ka thënë se nuk ka bërë thirrje për kthim të serbëve në institucionet e Kosovës, mirëpo shton se ka bërë thirrje për aplikim të të gjithë të interesuarve, duke shtuar se të gjithë serbet e kanë këtë të drejtë, përcjell “Kosova Sot Online”.

Kurti theksoi se nuk i thot që të kthehet atij që e hodhi uniformën e policisë së Kosovës.

“Unë nuk kam bërë thirrje për kthim të serbëve në institucione, por kam bërë thirrje disa herë për aplikim të të gjithe të intersuarve, jo veç në politikë, por edhe në polici, shëndetësia, arsim. Të gjithë serbët e kanë këtë të drejtë”, tha ai.

“Atij që e hodhi uniformën e policisë së Kosovës, nuk i them dot kthehu, ose atij që mori medalje në Beograd pas dorëheqjes, mirëpo të tjerët që janë të interesuar, pa dyshim që mirëpresim aplikimet e tyre. Sipas informatave që kam nga MPB, aplikimi i serbëve në këtë kohë po rritet interesimi madje edhe konvertimi i targave”, tha Kurti.

(Kosova Sot Online)