Një grua nga ky qytet i Kosovës ia vë flakën vetes
Sot në Gjakovë, ka ndodhur një ngjarje e rëndë, transmeton gazeta “Kosova Sot Online”.
Raportohet se një grua ka tentuar t’i jap fund jetës së saj, për motive ende të panjohura. Rasti ka tronditur familjen dhe dëshmitarët, kur e kuptuan se ajo ia kishte vënë flakën vetes.
Gruaja fatmirësisht është shpëtuar nga zjarrfikësit, por ka pësuar djegie të shkallës së lartë, prandaj ende s’dihet gjendja e saj.
Rastin e ka konfirmuar edhe komandanti i Zjarrfikësve në Gjakovë, i cili bëri të ditur se në vendin e ngjarjes ka dalë edhe Policia dhe Autoambulanca.
Lidhur me rastin tashmë kanë nisur hetimet, ndërkohë që viktima po merr trajtim mjekësor.
(Kosova Sot Online)