"Kjo është marrëzi", Hyseni i reagon Abdixhikut: Unë jam dhe do te jem më LDK se ti

Ish-ministri i Jashtëm, Skender Hyseni, i ka bërë një reagim të LDK-së, Lumir Abdixhiku, pasi e akuzoi Hysenin se është bashkuar me kryeministrin Albin Kurtin kundër tij dhe LDK’së, përcjell “Kosova Sot Online”.

Hyseni e ka quajtur marrëzi komentin e Abdixhikut për të.

Ai tha se opinioni e di qëndrimin e tij ndaj Albin Kurtit dhe VV-së

Postimi i plotë:

“Kurti dje, si gjithnjë e futi në grackë liderin e mjerë të LDK-së, e lideri i LDK-së u përpoq t’I përgjigjej: “Ka mbaruar koha kur VV ka pasë ndikim në LDK”, tha ky Lumiri. Nuk besoj se kjo do koment. Por ja që po e komentoj! Ai, pra Lumiri e tha botërisht qê kishte një kohë kur VV kishte ndikim në LDK, por tani ajo kohë ka mbaruar!!!

Mua më vie mirë nëse ka mbaruar ajo kohë, ndonëse me vonesë dhe me pasoja, siç ishte rënja e LDK-së në 12%. E kjo është marrëzia tjetër që e thotë Lumiri qysh ne të vjetërit e LDK-së e paskemi sjellë LDK-në në 12%. Jo, jo! Eshtë saktësisht mendësia e njësisë së VV-së në LDK, të cilës i printe Vjosa Osmani dhe Lumir Abdixhiku që e kanë sjallë LDK-në në 12%.

Krejt në fund, që ta përmbyll këtë debat me Lumirit, ngase e konsideroj nën dinjitetin tim te mirrem me te, Lumir Abdixhikut i them që jam dhe do te jem 100 më LDK se ai! Përpjekja e ti për të më portretuar si njeri kundër LDK-së, vetëm sa shpërfaq mjerimin e tij politik. Përpos që është qesharake, është edhe marrëzi e llojit ë vet!”, ka shkruar ai.

(Kosova Sot Online)