Murati tregon a ka humbje financiare në Trust
Se ka humbje të mjeteve financiare nga kursimet pensionale në Fondin e Kursimeve Pensionale të Kosovës, e ka mohuar ministri i Financave, Hekuran Murati, transmeton gazeta “Kosova Sot Online”.
Ai madje ka deklaruar në mbledhjen e sotme të Komisionit për Buxhet që performanca e Trustit për këtë vit është në normën e atij të kaluarit.
Në Komisionin parlamentar për Buxhet, Murati tha se performaca e Trustit për vitin aktual është në normën e vitit të kaluar.
“Është jo serioze të bëhet një propagandë e tillë kur dihet se brenda një dite lëvizjet mund të jenë deri dy për qind”, ka thënë Murati.
Ndërkaq Ardian Zalli, drejtor i Fondit të Kursimeve Pensionale të Kosovës, ka thënë që rënie të aksioneve ndërkombëtare ku ka investuar Trusti ka pasur dhe në vitet e kaluara.
(Kosova Sot Online)
