Ja si përfundoj takimi Kurti - Rama në Tiranë
Takimi mes kryeministrit të Kosovës, Albin Kurti dhe kryeministrit të Shqipërisë, Edi Rama, ka përfunduar në Tiranë, transmeton gazeta "Kosova Sot Online".
Temë kyçe e diskutimit në takimin mes dy liderëve ka qenë marrëveshja e arritur mes Kosovës dhe Serbisë në Ohër.
Paraprakisht, Kurti u takua me presidentin Bajram Begaj dhe me kryetaren e Kuvendit të Shqipërisë, Lindita Nikolla.
Në fokus të këtyre takimeve ka qenë marrëveshja me Serbinë.
Tani, Kurti pritet të takohet edhe me kryetarin e Partisë së Lirisë, Ilir Meta.
Në një prononcim të shkurtër, Kurti tha se do të flasë për mediat pasi t’i përfundojë takimet e planifikuara.
(Kosova Sot Online)
