Vuçiq flet për marrëveshjen e fundit me Kosovën
Presidenti i Serbisë, Aleksandar Vuçiq, është pyetur sërish për marrëveshjen e fundit me Kosovën, duke komentuar edhe pjesën që, siç thuhet, i hapë rrugë njohjes së Kosovës nga pesë vendet e Bashkimit Europian që ende nuk e kanë bërë këtë, transmeton gazeta "Kosova Sot Online".
Vuçiq ka pyetur se në cilën pjesë të marrëveshjes thuhet kjo, ndërtsa ka pranuar se disa prej tyre “nuk janë shumë larg” që ta bëjnë këtë.
“Disa prej tyre nuk janë shumë larg. Por ato kanë qenë prej vitesh”, theksoi ai.
“Sigurisht që nuk është shkruar askund. Kjo është një tjetër nga gënjeshtrat e shumta”, ka shtuar Vuçiq, raportojnë mediat serbe.
Kështu, Vuçiq iu përgjigj disa deklaratave të ish-diplomatit serb, Nebojsha Vujoviq.
(Kosova Sot Online)
