Erdogan zhvillon një bisedë telefonike me Putinin

Erdogan bisedë telefonike me Putin, mediat e huaja: I kërkoi të ndalojë luftën në Ukrainë

Presidenti turk Recep Tayyip Erdogan ka zhvilluar një bisedë telefonike me presidentin rus, Vladimir Putin dhe i ka kërkuar që t’i japë fund luftës.

Lajmin e ka bërë me dije “Politico”, teksa shkruan se Erdogan ka falenderuar gjithashtu presidentin rus për qëndrimin e tij pozitiv në zgjerimin e nismës së grurit të Detit të Zi dhe shtoi se të dy vendet “mund të ndërmarrin hapa të mëtejshëm” në drejtim të bashkëpunimit ekonomik,  transmeton gazeta "Kosova Sot Online".

Kremlini tha në një deklaratë pas bisedës telefonike Putin-Erdogan se të dy liderët diskutuan gjithashtu situatën në Siri.

Ata theksuan “nevojën për të vazhduar procesin e normalizimit të marrëdhënieve midis Turqisë dhe Sirisë” dhe “rolin konstruktiv të Rusisë si ndërmjetës”, sipas deklaratës.

(Kosova Sot Online)