Për marrëveshjen me Serbinë Kurti e informon edhe ambasadorin irlandez
Sot me ambasadorin jorezident të Irlandës për Kosovë, Ronan Gargan, u takua kryeministri Albin Kurti, transmeton gazeta "Kosova Sot Online".
Ata biseduan për marrëdhëniet e mira bilaterale ndërmjet dy shteteve, për bashkëpunimin në fushën e ekonomisë, fushën e ICT-së dhe për shkëmbimin e përvojave sa i përket së përfshirjes dhe bashkëpunimin me mërgatën.
“Kryeministri e falënderoi për mbështetjen dhe trajtimin me seriozitet të aplikimit të Kosovës në Këshill të Evropës gjatë presidencës së Irlandës”
Gjithashtu ZKM thotë se Kurti e informoi ambasadorin irlandez “për procesin e dialogut dhe arritjen e Marrëveshjes Bazë në Bruksel dhe për aneksin e zbatimit të saj, në Ohër”.
(Kosova Sot Online)
