E zuri trungu i pemës, vdes 42-vjeçari
Një person 42 vjeçar ka vdekur në fshatin Molisht të Beratit, pasi dyshohet se aksidentalisht një trung pemë e ka zënë poshtë viktimën, shkruan “Kosova Sot Online”.
Viktima kishte shkuar në mal për të prerë dru, kur ka ndodhur ky aksident.
Rasti lidhur me këtë vdekje është duke u hetuar.
Njoftimi i plotë i policisë:
Berat/Informacion paraprak
Sot, rreth orës 13:30, në fshatin Molisht, dyshohet se aksidentalisht një trung peme ka zënë poshtë shtetasin S. M., 42 vjeç, i cili kishte shkuar në malin e këtij fshati, për të prerë dru, për përdorim në banesë.
Si pasojë e dëmtimeve të marra, 42-vjeçari ka humbur jetën.
Grupi hetimor vijon punën në vendngjarje për dokumentimin e plotë të rrethanave të kësaj ngjarjeje.
(Kosova Sot Online)
