Lahbib takon Gërvallen: Belgjika mirëpret përparimin ndërmjet Kosovës dhe Serbisë

Për vizitë zyrtare në Belgjikë, po qëndron kryediplomatja kosovare, Donika Gërvalla, transmeton gazeta “Kosova Sot Online”.

Ajo atje ka takuar ministren e jashtme belge, Hadja Lahbib, me të cilën kanë biseduar për procesin e dialogut mes Kosovës dhe Serbisë.

Lahbib ka thënë se Belgjika e mirëpret përparimin drejt normalizimit të raporteve dhe bën thirrje që dialogu Kosovë-Serbi të vazhdojë.

“Biseda shumë të mira me homologen time nga Kosova për bashkëpunimin tonë dhe perspektivën evropiane të këtij vendi. Në këtë kontekst, Belgjika mirëpret përparimin drejt normalizimit të marrëdhënieve ndërmjet Kosovës dhe Serbisë dhe bën thirrje për dialog të mëtejshëm”, ka shkruar diplomatja belge.

(Kosova Sot Online)