BSPK: Vendimi për shtrenjtimin e energjisë elektrike është i panevojshëm

Pas vendimit për shtrenjtimin e rrymës nga ZRrE-ja, ka reaguar BSPK, transmeton gazeta “Kosova Sot Online”.

Sipas tyre, vendimi për shtrenjtimin e energjisë elektrike i panevojshëm, i pa bazë e mbi të gjitha sfidues.

Postimi i plotë:

Komunikatë për shtyp e Bashkimit të Sindikatave të Pavarura të Kosovës
30 mars 2023

Është kohë krizash dhe veprimet e papërgjegjshme po e rrisin edhe më tej krizën duke e vënë qytetarin e Kosovës para sfidave të shumta.
Vendimi për shtrenjtimin e energjisë elektrike është i panevojshëm dhe i pa bazë e mbi të gjitha sfidues për qytetarin.

Bashkimi i Sindikatave të Pavarura të Kosovës thërret vendimmarrësit që ta rishikojnë vendimin dhe të mos e sfidojnë qytetarin duke e shtrydhur e duke e rrëzuar ekonomikisht e duke ia marrë dinjitetin.
Vendimi për shtrenjtimin e rrymës në këtë kohë të pa kohë nuk sjell asgjë të mirë por përkundrazi kontribuon në përkeqësimin e mirëqenies sociale e ekonomike.

Bashkimi i Sindikatave të Pavarura të Kosovës do të përdorë të gjitha mjetet ligjore të organizimit sindikal për të bindur vendimmarrësit që ta tërheqin vendimin për shtrenjtimin e energjisë elektrike.

(Kosova Sot Online)