Me rastin e 'Ditës Botërore të Autizmit' u mbajt një marsh në Prishtinë

Me rastin e Ditës Botërore të Autizmit, të dielën në Prishtinë, u mbajt një marsh në mbështetje të personave me autizëm, transmeton gazeta "Kosova Sot Online"..

Pjesëmarrësit kërkuan që të drejtat e personave me autizëm të trajtohen me ligj.

Presidentja Vjosa Osmani tha se kjo ditë është një mundësi për ta promovuar ndërgjegjësimin për autizmin, për t’i sfiduar sterotipet dhe stigmat dhe për t’i mbështetur personat me autizëm dhe familjet e tyre.

“Në këtë ditë, ne duhet ta promovojmë mirëkuptimin dhe gjithëpërfshirjen për personat me autizëm, sikurse edhe t`’i japim mbështetje perspektivës unike të tyre për botën”, tha Osmani.

“Të drejtat dhe mirëqenia e personave me autizëm janë objektiv i yni i çdoditshëm. Ata nuk janë vetëm. Në shoqërinë tonë secili duhet të ketë mundësi të barabartë për zhvillim të potencialit, pra edhe për ata që kanë aftësi ndryshe!”, shtoi presidentja.

(Kosova Sot Online)