Thaçi: Më vjen keq që s’mund të dëgjojmë dëshmitë e Albright, Rugoves, Aganit e të tjerëve

Ish-presidenti i Kosovës, Hashim Thaçi ka thënë se ka histori faktike për atë që ka ndodhur gjatë luftës dhe se duhet kthyer aty tek ato dëshmi pasi aty është e vërteta, përcjell “Kosova Sot Online”.

Thaçi ka shprehur keqardhjen që s’mund të dëgjohen dëshmitë e Madeleine Albright, Robin Cook, Ibrahim Rugovës e Adem Demaçit, meqë sipas Thaçit ata do të kishin dëshmuar për atë që atë se çfarë ai ka thënë dhe bërë në atë kohë.

“Njerëzit mbajnë mend atë që duan të besojnë se është e vërtetë, por kemi histori faktike të regjistruar në atë kohë. Të kthehemi në ato dëshmi, sepse aty është e vërteta.

Me vjen keq që s’mund të dëgjojmë dëshmitë e znj. Albriht, sekretarit Robin Cook, senatorit Rober Dole, Richar Holbrook-ut, shefit të parë të UNMIK-ut, presidentit Ibrahim Rugova, Fehmi Aganit e Adem Demaçit.

Ata do të kishin dëshmuar për mua, për atë që kam thënë dhe bërë gjatë asaj kohe shumë të rëndësishme në historinë e lirisë.

Jam shumë i lumtur që shumë të tjerë si ata, vendor e ndërkombëtar, janë të gatshëm të dëshmojnë për pafajësinë time”, ka thënë Thaçi.

(Kosova Sot Online)