Ambasada e SHBA-së: Krenar që mbështesim popullin dhe institucionet e Kosovës
Në 15-vjetorin e miratimit të Kushtetutës së Republikës Kosovës, Ambasada e ShBA-së në Prishtinë ka bërë një postim të dielën, transmeton gazeta “Kosova Sot Online”.
Ambasada amerikane ka uruar qytetarët e Kosovës në Ditën e Kushtetutës.
Për më tepër, ambasada e ShBA-së u shpreh krenare për mbështetjen ndaj popullit dhe institucioneve të Kosovës.
“Ne, populli i Kosovës, jemi të vendosur për të ndërtuar një të ardhme të Kosovës si një vend i lirë, demokratik dhe paqedashës që do të jetë atdhe për të gjithë qytetarët e saj… Gëzuar Ditën e Kushtetutës, Kosovë! Krenar që mbështesim popullin dhe institucionet e Kosovës”, thuhet në postim.
(Kosova Sot Online)