Peci paralajmëron masa për qytetarët e gastronomët që shkelin ligjin e duhanit

Që ligji kundër duhanit s’ka kthim prapa,ministri i Bujqësisë, Faton Peci, i ka paralajmëruar të gjithë qytetarët dhe gastronomët, transmeton gazeta "Kosova Sot Online".

Ai tha se synimi i tyre është që të përqafojnë vlerat e avancuara të vendeve të BE-së, atje ku sipas tij, Kosova synon të integrohet.

“Kështu që në këtë drejtim, ne s’e mendojmë në asnjë mënyrë zmbrapsjen karshi imponimit të zbatueshmërisë së këtij ligji”, tha Ministri Peci.

Përveç kësaj, ai tha se nëse sheh rezistencë për moszbatimin e këtij ligji, do të ketë masa të ashpra.

“Nëse shoh në lokalitete të caktuara se ka rezistencë për mos-zbatimin e këtij ligji, unë do të shqyrtojë mundësinë e përdorimit të mekanizmave që janë më të ashprit për shkak se s’guxojmë të kthehemi mbrapa karshi një ligji të cilin e ka aprovuar kuvendi”, tha Peci.

(Kosova Sot Online)