Lexoni edhe:
Presidentja e Kosovës duhet të vendos rendin dhe ligjin në drejtësi, të tregon se ky vend nuk është pa zot shtëpie
Pas incidentit në veri të Kosovës, Vuçiq i ankohet amasadorit amerikan Hill, zbulohen detajet e bisedës
Presidenti i Serbisë Aleksander Vucic ka takuar sot ambasadorin amerikan në Beograd, Christopher Hill, të cilit i është ankuar për situatën në veri të Republikës së Kosovës, transmeton "Kosova Sot Online".
Ky takim i tyre ka ardhur pas rastit të plagosjes së një qytetari serb të Kosovës që dyshohet të jetë shkaktuar nga një pjesëtar i Policisë së Kosovës.
“E takova ambasadorin Hill për situatën dhe sfidat gjithnjë e më të vështira me të cilat po përballet populli ynë në Kosovë dhe përsërita shqetësimin tim për sulmet, arrestimet dhe presionet tjera të shpeshta ndaj të cilave janë ekspozuar serbët”, ka shkruar Vuçiq.
Në njoftimin e tij, Vuçiq ka thënë se “Republika e Serbisë po përpiqet të ruajë paqen dhe të sigurojë një jetë më të sigurt dhe më të lehtë për të gjithë qytetarët me një politikë konsistente dhe të përgjegjshme, duke respektuar dhe zbatuar të drejtën ndërkombëtare dhe marrëveshjen e arritur në dialogun me Prishtinën, dhe i kërkova ambasadorit Hill për të plotë mbështetjen dhe angazhimin e SHBA-së në këtë rrugë”.
(Kosova Sot Online )
