Vuçiq: Jam duke punuar për liberalizimin e vizave për serbët që jetojnë në Kosovë

Jam duke punuar për liberalizimin e vizave për serbët që jetojnë në Republikën e Kosovës, ka thënë presidenti i Serbisë, Aleksander Vuçiq, transmeton gazeta “Kosova Sot Online”.

Ai ka thënë se këtë çështje është duke e diskutuar në kuadër të proesit të dialogut në mes të Kosovës dhe Serbisë.

“Ne kemi pyetur për këtë në fillim dhe nuk na e dhanë për shkak të dëshirës së tyre për të treguar se Kosova është shtet sovran dhe për këtë aryse na refuzuan, port ani në kuadër të dialogut që në takimin e parë e kemi përmendur pikërish këtë kur filluan të flasin për liberalizimin e vizave. Mendoj se pothuajse është e pamundur që ata të përjashtojnë serbët nga Kosova”, ka thënë Vuçiq, shkruan RTS

Ai ka thënë se një gjë e tillë s’do të ndodh menjëherë por shton se mund të gjendet zgjidhje deri në fund të vitit.

(Kosova Sot Online)