Zv.kryeministri italian: Ia konfirmova Osmanit angazhimin e qeverisë në Ballkan
Presidentja e Kosovës, Vjosa Osmani, gjatë vizitës së saj në Itali, është takuar me zëvendëskryeministrin dhe ministrin e Punëve të Jashtme të Italisë, Antonio Tajani, përcjell “Kosova Sot Online”.
“Ia konfirmova presidentes Vjosa Osmani angazhimin e qeverisë në Ballkan. Ne jemi gjithashtu në vijën e frontit në Kosovë për siguri dhe stabilitet me misionin NATO-KFOR-it”, ka shkruar ai në Twitter.
Osmani këto ditë ka vizituar Kalabrine e Italisë, me ftesë të komunitetit të arbëreshëve të këtij rajoni.
(Kosova Sot Online)