Abazoviqin e mirëpret në takim Abdixhiku

Sot në selinë e Lidhjes Demokratike të Kosovës, kryeministrin në detyrë të Malit të Zi, Dritan Abazoviq, e ka pritur kryetari i LDK-së, Lumir Abdixhiku, transmeton gazeta “Kosova Sot Online”.

Në këtë takim, ka bërë të ditur Abdixhiku, kanë biseduar mbi zhvillimet e fundit politike të të dyja vendeve.

“Biseduam mbi zhvillimet e fundit politike në të dyja vendet, siç dhe shkëmbyem pikëpamjet tona për të ardhmen euroatlantike të të gjithë rajonit. Mali i Zi, shtet anëtar i NATO-s, njohës i rendit të parë i pavarësisë së Kosovës, ndanë të njëjtën të ardhme me Republikën e Kosovës”, thuhet në njoftim.

“Biseduam për projektet e përbashkëta kapitale si dhe lidhjen e fortë emocionale e historike që populli i Kosovës ka – në veçanti – me shqiptarët në trevat e Ulqinit, Tuzit, Tivarit, Plavës, Rozhajës e Gucisë”, thuhet në fund. 

(Kosova Sot Online)