Rohde për vizat: Nuk mund ta shpreh sa i lumtur jam për qytetarët kosovarë
Ambasadori i Gjermanisë në Kosovë, Jörn Rohde, është shprehur i lumtur për miratimin e liberalizimit të vizave nga Parlamenti Evropian,përcjell “Kosova Sot Online”.
Rohde, ka shkruar se Gjermania e ka mbështetur liberalizimin e vizave për Kosovën që nga viti 2016.
Ai ka shkruar se është shumë i lumtur për qytetarët e Kosovës, pasi ka qenë shumë e merituar.
”Më në fund është bërë! Me miratimin përfundimisht sot nga Parlamenti Evropian, liberalizimi i vizave i vonuar do të futet më së voni deri më 1 janar 2024. Gjermania ka mbështetur liberalizimin e vizave për Kosovën që nga viti 2016”, ka shkruar ambasadori gjerman.
”Nuk mund të shpreh sa i lumtur jam për qytetarët kosovarë! E merituar! Faleminderit eurodeputetes Viola von Cramon për angazhimin tuaj në këtë çështje”, ka thënë ambasadori.
(Kosova Sot Online)