Babai vret të birin pasi s’donte të shkonte në punë

Një rast i rëndë ka ndodhur në Turqi. Në Izmir, babai e ka vrarë me pushkë djalin e tij, transmeton gazeta “Kosova Sot Online”.

Sipas raportimit të mediave turke, 72-vjeçari me incialet A.K, u grind me të birin i cili nuk donte të ngrihej dhe të shkonte në punë.

Ngjarja e rëndë ka ndodhur në lagjen “Bayrakli”.

Viktima thuhet se është një 36-vjeçar me emrin Huseyin Kaya, i cili ishte përcjell në morgun e qytetit, ku do të kryhet ekspertiza.

Ndërkaq i dyshuari është arrestuar nga policia. 72-vjeçari po akuzkohet për “vrasje me paramendim”.

Mediat turke raportojnë se situata eskalojë pasi që pati një debat të fortë mes babait dhe birit.

Burri i moshuar kishte shkuar për ta zgjuar djalin e tij që të shkonte në punë, por ky i fundit nisi të diskutonte me tona të larta me babain e tij se përse ai e kishte zgjuar nga gjumi.

E situata eskalojë deri në përdorimin e armës.

(Kosova Sot Online)