Avioni i nisur kthehet në aeroport dy orë pas ngritjes

Një Boeing 777 i Austrian Airlines u detyrua të kthehej të hënën në aeroportin e Vjenës dy orë pas ngritjes, për shkak se tualetet u prishën.

Avioni mbante 300 pasagjerë dhe fluturimi, i nisur për në Nju Jork, do të zgjaste tetë orë. 

Ekuipazhi, pasi zbuloi se cisternat në pesë nga tetë tualetet nuk po punonin, vendosi të kthejë avionin në Vjenë, tha një zëdhënëse e kompanisë për AFP, transmeton gazeta "Kosova Sot Online".

Siç tha ai, është hera e parë që një “dështim teknik” i tillë ndodh në një avion të Austrian Airlines. 

Pasagjerët vazhduan udhëtimin me fluturime të tjera Defekti u riparua sot dhe Boeing 777 është sërish në dispozicion të kompanisë.

(Kosova Sot Online)