Zyrat qeveritare, të mbyllura për festat myslimane

Këshilli Bashkiak i Dearbornit, në shtetin amerikan të Miçiganit, ka njoftuar se do të shpallë një ditë jo pune për punonjësit e bashkisë dhe do të mbyllë të gjitha zyrat e tij për Ramazan dhe Fiter Bajram, duke u bërë komuna e parë në SHBA për t’u dhënë punonjësve të saj një pushim zyrtar, pushim gjatë festave myslimane.

Këshilli i Qytetit të Dearbornit organizoi edhe Festivalin e Ramazanit, i cili ofron aktivitete të shumta në të cilat mund të marrin pjesë myslimanë, agjërues dhe banorë të tjerë të këtij qyteti. Të tilla festime dhe takime u cilësuan nga mediat si “historike” dhe të parat e këtij lloji në vend.

Sipas gazetës amerikane Detroit Free Press, kjo është hera e parë që Këshilli i Qytetit të Dearbornit ka ndihmuar në organizimin dhe mbështetjen e ngjarjeve gjatë Ramazanit dhe Fitër Bajramit. Popullsia e Dearbornit tani është më shumë se 47 për qind arabo-amerikanë, shumica e të cilëve janë myslimanë.

Merita për organizimin e ngjarjeve të tilla të paprecedentë i shkon kryebashkiakut Abdullah Hammoud, i cili mori detyrën vitin e kaluar si kryebashkiaku i parë arabo-amerikan dhe i pari mysliman i Dearbornit, i cili është shtëpia e një prej komuniteteve më të mëdha arabe dhe myslimane në SHBA.

(Kosova Sot Online)